Aizawl: Mizoram Synod-in Mizoram Universal Health Care Scheme (MUHCS) zawm thei lo mi harsate hmalaksak turin tual chhung kohhran hrang hrangte a ngen.
March 15, 2026 khan Mizoram Synod chuan an hnuaia kohhrante hnenah MUHCS zawm chungchanga hma la turin ngenna a thawn a, Mizoram sorkar health care scheme (MUHCS) zawm chungchang Synod Officer’s Meeting (OM) chuan ngaihtuahin, ‘Kohhran ho-ah an member-te retheihna avanga zawm ve thei lo, harsa zualten an zawm theihna tura hma laksak tura ngenna siam ni se’ tiin a rel a. OM thu ang hian tual chhung kohhran huam chhunga mahni sum senga MUHCS zawm thei loten MUHCS an zawm ve theihna tura a tul anga hma laksak turin a ngen a. He thil hi mi harsa zawkte an intanpui theihna kawng a nih avangin a theih anga tihhlawhtlin tum nise an ti bawk.