BSF chuan India leh Bangladesh ramri bul lui leh hmun hnawng laia ramri kân ruk tum ven nan khuarel thil hman rawtna an nei a, rul leh awle dah chungchang an ngaihtuah mek a, official-a tih tura tihna erawh engmah a la awm rih lo thung.
India leh Bangladesh ramri hung that theih lohna lai, miin an kân mai hlauhawmna lai sia hetiang thil hman mai rilrukna hi a awm a. Km 4,096-a thui ramri-ah hian hian lui leh hnim hringin a bawh km 175 vela thui a awm tel a, hei hmunte hi hung a theih vek loh va, sipai tan ven a remchang lo bawk a. Heng hmunah hian mihringin an kân, phal loh thil tawlh leh dan loa thil dang tih thin dan vek a harsa hle.
Ramri venhimna kawnga harsatna awmte hi ngaihtuah mek niin thuneitute chu hetiang ruahmanna awm hman remchan theihna laite pawh chian turin tih an ni a. Hetih rual hian he thil hi rawtna mai la niin la sawihona mek chauh a ni a, hman a nih dawn leh dawn loh pawh hriat a la ni rih lo.
Hetih rual hian BSF chuan ramri venhimna chu technology hmasawn tak tak hmangin a tichak chho zel a. Drone, sensor, camera leh tunlai venhimna dangte pawh an hmang thar mek zel.
Hmarchhak ramria phal loh tawlh leh mihringin an kân thin venna atana tih a ni a. January thla khan South Bengal Frontier hnuaia 32nd Battalion-a BSF sipaite chuan West Bengal-a Nadia district-a India leh Bangladesh ramria rangkachak tawlhtu pakhat an man a, rangkachak tlang Rs. vaibelchhe khat vel man an man tel bawk.
Thu an dawn bawhzuiin sipaite chuan ramri hungna bul velah rinhlelhawm an hmuh hmain an lo hual lawk tawh a. An nanchin hnuah tlanchhiat a tum a; mahse, an umzui a, an man ta a ni.
November, 2025 pawh khan Nadia district-ah Bangladeshi mi phal loh tawlh thin chu lo dan an tumna lamah an lo kah hlum a tawh a. Thil tawlhtute hian tualchher ralthuam hmangin sipaite hi an bei nia sawi a ni a, sipaite hian mahni inven nana silai an hmet puahah an zinga pakhat hi a thi a. A hnuah ralthuam eng emaw zat an hmuchhuak zui a, khuh damdawi chi khat, Phensedyl um 96 leh ram dang zu um hnih an hmuchhuak bawk.