An inthen a, midang an nei leh thuai a, kawppui nei lova awm hi an thiam lo ni berin a lang.
Kum lama upa ni tawh mahse Jennifer Aniston pawhin kawppui a la haihchham lo hle a, Jim Curtis nen inhaw lo taka an awm lai thlalak a phochhuak nasa hle.
Kum 57 min Aniston hian a social media account lamah an thlalak dunna hrang hrang a dah nasa hle a, a kawppui kum 50 mi chu a tana nunkawng sialtu pawimawh leh a tana mi rinawm tak a nih thu a tarlang nasa hle a ni.
Anni pahnih hi July 2025 atanga sawizawm deuh niin, vantlang hmuhah erawh an lang tam lo dun hle a, a kawppui Curtis chuan an kawmna pakhatah Aniston nen chuan an thiante an thuhmun dun hle nia sawiin, hun rei tak atang khan kan inhriain, kan inbe tawh a, kan inkawmngeih chho a, thian inang kan neih nual avangin kan inhmu zing hle a, kan inkawp chho ta a ni, tiin an kawmna pakhatah a sawi a, heta tang hian an inkar hian sawi zui a hlawh zual ta a ni.
February 12 khan Curtis chuan Aniston nen chuan an inngaina hle tih sawichhuak lehin, an inzui nasat thu a sawi a, engkimah inpawh taka thil an tih dun thin thu bakah, harsatna an neih pawhin an insiamrem zung zung thin thu a sawi a, tunah chuan hmangaihna par an tlan dun tak reng thu a sawi.
Kum 57 mi lemchan thiam leh kum 50 mi Curtis te hi inneih chiah si lovin hlim takin an cheng dun mek nia tarlan an ni a, kartawp khan hlim takin Spain lamah chawlh an hmang dun a, mite ngaihven an ni leh mek.