Italian tuipui kama sumdawng lawng pahnih chuan kar tawp khan Libya atanga Europe-a pem tum ruang pahnih an chhar a, lawng atangin dam chhuak mi 32 an chhanchhuak bawk tih tanpuitu pawlten an sawi a, dam chhuakte hian tuipuiah mi dang 71 chin hriat lohvin an awm tih an sawi bawk.
Thite hi Italian coast guard patrol boat hmangin Italy thliarkar, Lampedusa-ah hruai lak an ni tih Mediterranea Saving Humans leh Sea-Watch chuan an sawi.
Italy-a interior ministry chuan he thil thleng chungchangah hian engmah sawi an la nei lo tih a sawi a. Italian Coast Guard pawhin engmah an la sawi lo bawk a. Pathianni hi Isua Thawhleh Ni a ni a, Italy-ah chuan an chawlh ni ngaih pawimawh tak a ni.
Dam chhuakte chuan an lawngah hian a tirah chuan mi 105 an chuang tih an sawi a, mi 71 chin hriat a la ni lo niinchhanchhuah hna thawktute chuan an sawi.
Sea-Watch-in video an tihchhuahah chuan mi eng emaw zatinn sumdawng lawngin a hnaih mek lai hian serthlum rawng in inkhaikhup tawh chu an vuan tih a lang.
Kumin hian khaw awm danin a zir loh avangin Mediterranean tuipuia zin a harsa hle a, Africa hmar lam atanga chhuak zat pawh a tlem phah bakah tuipui zawhtute pawhin harsatna lian tak tak an tawk fo thin.
International Organization for Migration (IOM) chuan kumin hian Mediterranean lailiah mi 683 vel an thi tawh niin a chhinchhiah a, kum 2014 hnua thi tam ber kum zinga mi a ni.
Africa khawmualpui atang hian ram buai tlanchhiatsan leh eibar dapna tha zawk an neih theih nan mi tam takin Mediterranean Sea kân tumin lawngin an kal thin a. Lawng tha an neih loh avang leh chuang an tam thin avangin chetsualna leh thihna a thleng nasa hle a ni.