ZPM thalaiin Brigade Field enpuiah MNF Thalai President Robert Romawia Royte an cho va, ani pawhin an chona hi a pawm thu social media kaltlangin a pawm thu a sawi.
Thawhtannia ZPM Thalai hruaitute an President Jeje Lalpekhlua hova thukhawm chuan, tunhnaia MNF Thalai President Robert Romawia Royte-in AMC Play Ground, Bawngkawn Brigade Field siamnaah sum hmanna dik lo a awm lo anga a sawina chu veng mipui leh thalai infiammite zah lohnaa an ngaih thu an sawi.
Robert Romawia Royte chu a hman hun leh nite ZPM Thalai hriatttir se, ama ho ngeiin Bridage Field siam dan chu en ho puiah an sawm nghal.
Hemi chungchang hi Robert Romawia Royte hian a social media account, Instagram lamah tar langin, ZPM Thalai ten Bawngkawna AMC Sports Complex-a AMC hnathawh dan enhopuia an sawmna social media atangin a hriat thu leh lawmawm a tih thu sawiin, ZPM Thalai te chu an pute ho hi an rin ang leh an insawi ang annih lohzia an hriat a, huai taka khalh ngil tura hma an lak theihnan ZPM Thalai+RRR Fact Finding Mission din hial tha a tih thu a sawi.
Hachhek bialtu MLA Robert Romawia Royte chuan, a tum khatna atan chuan AMC hnathawh – AMC Sports Complex, Bawngkawn en ho te, SASCI Part I 2025-26 hnuaia Mizoram tana sum dahhran sa lapse dan Deptt of Expenditure, Ministry of Finance New Delhi-ah ZPM Thalai te nen a huhoa enho te, SASCI 2025-26 Part I sum 34% (Rs 11,152 lakh) lapse in a khawihbuai mek Aizawl chhunga SASCI Projects 20-te a hmuna kalin enho nghal a, hriatchian ho an duh chuan ZPM Thalaite sawmna chu lawm taka a pawm thu a sawi bawk.