Education Minister Dr Vanlalthlana chuan MNF an sorkar chhungin ram tana tha lo zawnga an par dan a dan em avangin mipuiin thutlukna fing tak siamin an paih thla niin a sawi.
AMC inthlan lo tur atan nimina ZPM Thalaiin Aizawl khawpui hmun hrang hranga street campaign an neihah he thu hi sawiin Dr Vanlalthlana chuan, “Sorkar kal ta zingah MNF-ten kan kuh mumah ZPM sorkar an par an ti a, an sorkar laiin qualified lo zirtirtu lak an tipar a, kut hnathawktute hlamchhiah an tipar a, hnathawh hma hauhva sum lo lak te an tipar a, dan lova kuhva tawlh ruk te an tipar a, thil dang tam tak an sorkar chhung khan ram tana tha lo an lo tipar a ni,” tiin, MNF par dan a dan em avangin mipui ten thutlukna fing tak siamin an paihthla niin a sawi.
Dr Vanlalthlana chuan, tunah hian AMC campaign-na atan MNF an kuh mum leh ta a, AMC-ah an sorkar hmasaka an manisfesto hlawhtling lo bawkte kha manisfesto-ah an tikuhmum leh mek niin a sawi a. Aizawl tha zawk, inrelbawkna mumal zawk, Corporator eiruknaa fihlim, AMC hmel thar lan chhuah tir turin ZPM candidate zawng zawngte vote vek turin Aizawl mipui a sawm nghal.