Lady Gaga chuan a show neih mek chu doctor thurawn anga a tihtawp lailawk thu a sawi.
Kartir khan he thu hi Gaga chuan sawiin, a show tawpna tur leh perform hnuhnung ber tur hi doctor thurawn anga a tihtawp lailawk thu a sawi a, a thawkna lama harsatna a neih vang a nih thu a sawi a ni.
‘Abracadabra’ singer, kum 40 mi chuan pawi a tih thu leh fans ngaihdamna a dil a, hriselna tha zawk nen an tan a kir leh ngei tur thu a sawi bawk.
Amah chuan a show hi tha taka khar zui hram a tum thu leh a team-te nen pawh chutiang tura an inbuatsaih thu a sawi a, a doctor zawkin nasa taka perform lo tura min hrilh avang leh chawlh hahdam hram tura min ngen nasat em avangin he thil hi ti lo thei lo ka ni, tiin Gaga chuan a sawi.
Gaga hian Mayhem Ball Tour hi Montreal-ah April 2 leh April 3 khan hlawhtling takin a lo nei tawh a, a chhunzawmna hi zanin leh zirtawp zana neih tura ruahman a ni a, a tihlawhtling thei dawn ta lo a ni.