Miss Mizoram 2026 thlanna neih mekah, Grand Finale-a Official Judge tur a hriat kim ta.
Kumin Miss Mizoram thlannaah hian Grand Finale-ah judge panga an thu dawn. Heng zingah hian kum hmasa lama Miss Mizoram thlanna lo neih tawha mikhual lo tak takte an awm.
Official judge atan hian Miss Mizoram 2018 atana thlan Ramthanmawii a thut tur thu hi kan hre tawh. Ani bakah hian Grand Finale-a judge tur panga zingah Miss Mizoram 1986 pawh lo ni tawh Betsy Zothanpari Sailo a tel a. Ani hi tunah hian IPRP&S Department Secretary ni mek a ni.
Anni pahnih bakah James Lalthanzuala a thu tel dawn. Ani hi judge zinga hmelthar ber a ni dawn a, tunah hian fashion stylist a ni mek.
Tun tumah hian kum hmasa lamah pawh judge lo ni tawh, jousnalist Biakchungnunga (Bcha) a thu leh dawn a. Ani bakah hian Miss Mizoram 2026 sponsor-tu, Women and Child Development (WCD) lama Deputy Director Flora Laltanpuii pawh a thu tel dawn bawk.
Miss Mizoram 2026 Grand Finale hi April ni 24 khian, R Dengthuama Hall, Mualpui, Aizawlah neih a ni ang.