National students’ union of India, Mizoramin thalai leh infiammite hmasawnna tur sum tam tham tak Finance department-in a hren sak nia sawiin, a rang thei ang bera pekchhuah an phut.
NSUI, Mizoram chuan RTI hmanga zawhna chhannaa a lan danin, Sports & Youth Services dep- artment-in Pradhan Mantri Jan Vikas Karyakram (PMJVK) atanga sum hmuh tawh Mizoram finance department-in a hrensak mek zat - Kum 2018-2019 ami Rs. 1,27, 44,000; kum 2019-2020 ami Rs. 34,75,11,401; Kum 2020-2021 ami Rs. 84,10,72,000 niin, a vaiin Rs. 1,20,13,27, 401 a ni tih NSUI thuchhuah chuan a tarlang.
1st Installment hman loh avanga ministry of minority affairs-in sum a la kawl tan zat - kum 2018-2019 ami Rs. 3,44,56,000; kum 2019-2020 ami Rs. 1,93,98,06,599 leh kum 2020-2021 ami Rs. 1,04,47,77,000; a vaiin Rs. 3,01,90,39, 599 a nih chu NSUI, Mizoram thuchhuah chuan a tarlang bawk.
NSUI Mizoram chuan "kan sorkarin thalaite hmasawnna tura sum lo kal a tih tansak hi a tam hle a, thalaite hmasawnna tur daltu ah kan ngai a, a rang lamin sum hi pechhuak thuai turin Finance department leh a changtu chief minister kan ngen a ni" an ti.
AR Lammuala Co- ngress sorkar laia phul lem phah pawh a chhe tawh hle tih sawiin, NSUI chuan, a rang lama chei thara siamtha turin Mizoram sorkar an ngen thu pawh an sawi a. NHM hnuaia thawk te harsatna chinfel tum lova vau zawk ah sorkar chu puhin, "MNF sorkar-ah sorkar hnathawkte vau an ni ta fo mai hi pawi kan ti, an ti a. Chanvo inrahbehsaknaa an ngaih thu sawiin, NHM hnuaia thawk te pawh a vau zawng ni lova an harsatna chinfelsak thuai tur Mizoram sorkar an phut thu an sawi bawk.