Aizawl : Legal Metrology department, Siaha-in Siaha Bawrhsap hnen atanga an thu hmuh bawhzuiin, kar kalta chhung khan Siaha khawpui chhung leh a hnaivai khuaa sorkar building sak meka an hmanraw hman, a bikin Iron rod (TMT Bar) te an endik a, an endik chinah rod hman tur size tlinglo an hmu lo.
Legal Metrology department hian buiding ruangam din tawh te endikin, building sak zawh thawkhat tawh te erawh chu an endik rih lo niin sorkar thuchhuahin a tarlang a. Noaotlah-a Eklavya Model Residential school sak lai te, District Bawrhsap pisa tur sak lai leh Meisavaiha Dist. Social welfare officer pisa tur sak mek te an endik tawh a, sorkar building sak lai leh sak thar a hmanraw hman te chu endik chhunzawm zel an tum a ni.