Uncharted
Lunghlui te pawh a leng nghal rum rum mai a lawm le.. 90s adventure movies ngaina a, classic rim nam pha, action nena thuam ni bawk, changtute hmuhnawm tel bawk si i zawng a nih chuan tun dinhmuna India ram chhung Netflix film en hlawh ber ni mek ‘Uncharted’ hi hmetchhuak nghal rawh. Tom Holland leh Sophia Ali te bakah veteran Anotonio Banderas te hian hmuh nawm ramah an hruailut dawn che. Critic lam pawhina sawisel ngaihna na hriat meuh loh film a ni e.
Love Goals
Hindi film tlangzarh deuh hlim hlawl, la lum vet vet ah hian magician leh football atchilh chhungkaw chanchin hmuhnawm tak i thlir thei dawn a, hmangaihna luipuia chen chak, tui ngam bawk si lo Jitendra Kumar che tla vel hian i ngaihtuahna a hruai kawi nasa dawn e. Hmangaihna leh infiamna inkara inhruipawhna hi a chat thut mai angem le?
Ante Sudaraniki
Romantic comedy dangdai, Telugu film ah hian India ram chhunga ‘interfaith marriage’ kalpui dan chiang fek fawkin a tarlang a, Nani leh Nazriya Nazim te nupa in an nu leh pa te ve ve hneh ngei tuma an veh th lem dan leh lamtanga siam an tum dan hi i hlimpui loh vek paw’n i nuihpui nasa ngawt ang.
Major Hindi
Kum 2008 a Mumbai-a firfiaka chetna rapthlak taka khatih laia Major Sandeep UInnikrishnan hringnun behchhana siam a ni a, action-thriller pui takh hian film dang ang lo takin a kalphung a dang lam viau mai a. Hripui len vanglaia siam kha niin, ni 120 chhungin harsatna hrang hrang karah buiapui a ni. Mahse, hah man a awm a, buaipui man a hmu chiang hle thung.
Hurdang
Romantic drama i hmuh ngai zen zen loh en turin inbuatsaih rawh le. Allahabad-a inkhar IAS nih tum zirlai pakhat chu Mandal Commission-in chi leh kuang behchhanna reservation siam a tum do dal a, lungawilohna lantir a, midangte nena chechhuak chanchin a ni.
The Sea Beast
Chris Williams-a film siam, ‘The Sea Beast’ hi kumina computer-animated film hmuhnawm ber pawl a tih loh theih loh. Tuipui monster te chet velna, thliarkiar reh leh riang tak takte awmna bakah thil siam la hmuhchhuah ngai loh te chu special effect hmanga siam niin, mit leh beng a tlaiin, vawikhat en maia duhtawk chi a ni hauh lo.
Bhool Bhulaiyaa 2
Bollywood horror comendy-ah hian veteran Tabu-i’n thlarau mak taka insiam danglama chhungkaw pakhat laka phuba lak tuma a chetchhuah dan a ni a, Kartiky Aryan chetthat berna film te pawh an ti hial. Cinema Hall-ah te pawh mi tam tak kokhawm theitu a ni tlat mai.
Ante Sundaraniki Tamil
Tamil romantic drama hian Netflix ‘Top Ten’ list-ah hmun hnih a hauhpha. Original version hi Telugu a ni a, box office-ah a pui miah miah hle. Tamil version-a siam pawh a thawm a na ngang mai.
Vaashi Malayalam
Courtroom drama hmuhnawm ti te tan mamawh chhanna a tling ang. Lawyer tumruh leh hmabak eng tak neia inngai te inkara thu inchuhna hmuhnawm eltiang a ni ringawt. Chak zawk nih tuma an inbeih dan pui tak i thlir thei ang. Netflix-ah phei chuan tun dinhmuna ‘most watched’ zingah a langsar hle a nia.
Ranveer vs Wild with Bear Grylls
Adventure lam ngaina te tan hmetchhuah hmanhmawh chi a ni ang. Megaster Ranveer Singh leh mihrang khawkheng Bear Grylls te’n Serbian ramnaw luhchhuah a, pangpar vâng tak mai la tura an chechhuahna hi thinphu dep depin i en ang. Darkar khat leh minute 10 awh documentary hian fan ngam loh ram a fanpui dawn che a ni.