Village council leh Local council bye-election atana inbuatsaihna kal zelah nimin khan district hrang hrangah draft electoral roll tlangzarh a ni a. Aizawl district-a VC leh LC draft electoral roll chu Aizawl Bawrhsap Dr Lalhriatzuali Ralte-in a tlangzarh.
Aizawl district-a VC /LC election leh bye-election neihna tur te - Durtlang Leitan LC ata- nga indang Leitan Ramthar LC leh Zemabawk LC atanga indang thar Zemabawk South LC-ah te inthlan buatsaih tur a ni a, seat awm zat tur chu final electoral roll tihchhuah a nih hnuah voter awm zat a zira tihchian a ni ang.
Ramthar North LC leh Electric Veng LC bakah Tlungvel VC, Falkawn VC leh Vaitin VC member boral te hmun hrual hnawhkhat turin bye-election buatsaih tur a ni bawk.
Kolasib-ah pawh nimin vek khan Bairabi North, Kolasib Venglai leh Zanlawn-a VC bye-election atana inbuatsaihna kal mekah draft electoral roll chu Kolasib Bawrhsap John LT Sanga'n a tlangzarh a. Bairabi North, Kolasib Venglai leh Zanlawn-ah te hian VC member hmun ruak hnawhkhah tur pakhat theuh a awm.
Khawzawl district-ah pawh Sialhawk leh Aiduzawl-ah te VC bye-election neih tur a ni a, nimin vek khan Khawzawl Bawrhsap CC. Lalchhuangkima'n draft electoral roll a tlangzarh. Sialhawkah leh Aiduzawl-ah te hian VC member boral an awm avangin seat ruak pakhat ve ve hnawhkhah ngai a ni.
Lunglei district-ah pawh Tipperaghat VC member pakhat a boral avangin bye-election neih tura tih niin, inbuatsaihna a kal mek a. Nimin vek khan Lunglei Bawrhsap Kuloth- ungan-a'n draft electoral roll a tlangzarh.
Mamit district-ah Phulpui West leh Rajiv Nagar-I ah VC member pakhat ve ve boral an awm avangin bye-election buatsaih tura inbuatsaihna a kal mek a. Nimin khan draft electoral roll tlangzarh a ni.
Champhai district-ah pawh Champhai Di- nthar VC member pakhat a ban avangin bye-election nei tura inbuatsaih mek a ni a, nimin vek khan draft electoral roll tlangzarh a ni.
Serchhip district-a Baktawng VC seat khat ruak hnawhkhat tura inbuatsaihna kal mekah nimin vek khan Serchhip Dawrhsap Nazuk Kumar-i'n draft electoral roll a tlangzarh.
Baktawngah hian hmeichhe reserved seat luah mektu pakhatin eizawnna avanga VC member nihna a chawlhsan avangin bye-election hi buatsiah a ni dawn a ni.
Siaha district-ah pawh nimin vek khan draft electoral roll tlangzarh a ni a. New Colo- ny VC member pakhat a ban avangin a hmun ruak hnawhkhat turin bye-election neih a ni dawn a. Lobo I VC member pakhat boral hmun ruak hnawhkhat turin bye-election neih a ni dawn. Heng bakah hian VC siam thar VC 6- College Vaih-III; Iana-II; New Colony-V; New Siaha West-II; Siaha Vaihpi Bazar leh Supha-ah te VC inthlan buatsaih tura inbuatsaih mek a ni bawk.
Lawngtlai district-ah pawh VC 5-ah bye-election nei tura inbuatsaihna a kal mek a, nimin vek khan draft electoral roll tlangzarh a ni. Ngengpuikai, Dumzautlang leh Vaṭhuampui-ah te VC seat ruak 1 ṭheuh hnawhkhah ngai a awm a, Hmawngbuchhuah leh Laitlang-ah te VC seat ruak 4 ve ve hnaw- hkhah tur a awm bawk.
Draft electoral roll-ah siamṭhat duh nei te tan tun thla ni 31 thleng hun hawn a ni a, August ni 8, 2022-ah final electoral roll tlangzarh tura ruahman a ni.