AZL: India ram zalenna champhaphak vawi 75-na lawmna kal zel, Azadi Ka Amrit Mahotsav pualin nimin khan Assembly Annexe-ah Aizawl DC Office leh Aizawl West CMO tangkawp chuan Mizoram Legislative Assembly leh a chhehvela sorkar pisa hrang hranga thawktute tan Covid-19 danna precautionary dose a thlawna lakna an buatsaih.
Ram zalenna champhaphak 75-na lawmna puala kum 18 chin chung lamte tana a thlawna dose kima Covid vaccine pek beihpui thlakna hi India hmun dang rualin Mizoramah pawh July 14, 2022 khan tan a ni a, September 30 thleng beihpui hi thlak tum a ni.