Chelsea chuan Dutch midfielder Frenkie de Jong, 25, leh Gabon forward Pierre-Emerick Aubameyang, 33, te chu Barcelona in hralh an tum chuan lalut turin an inpeih reng. (Sky Sports)
Blues hian Euro maktaduai 80 chuangin Barcelona nen De Jong man tura inremna an nei hnai. (Sport)
Chelsea hian De Jong-a thutlukna an la ngaichang a, Barcelona a chhuahsan dawn chuan Manchester United aiin Stamford Bridge pan a duh zawk. Hetihlai hian Leicester City atangin French defender Wesley Fofana, 21, pawh an la ngaihven reng. (Times)
Barcelona leh Spain defender Gerard Pique, 35, chuan La Liga in financial fair play dan a neih chu an zawm theih nan leh an player tharte ziah luh an nih theih nan hlawh nei lova inkhelh a inhuam. (AS)
Denmark defender Andreas Christensen, 26, leh Ivory Coast midfielder Franck Kessie, 25, te chuan tun nipuiah Barcelona zawm mahse tun kartawp hma a ziah luh an nih loh chuan club chhuahsan leh mai an hnaih. (ESPN)
Juventus chuan Barcelona nen Dutch forward Memphis Depay, 28, lalut turin inremna an nei hnai. (Sport)
Paris St-Germain chuan Euro maktaduai 25 in Rennes atangin kum 20 mi French forward Arnaud Kalimuendo lakluh chu an hnaih a, Leeds United pawhin an ngaihven. (L’Equipe)
Manchester United in Pound maktaduai 15 a Juventus leh France midfielder Adrien Rabiot lakluh an tumna chu kum 27 mi in hlawh a beisei san avangin tihfel thuai theih a ni lo. (Gazzetta dello Sport)
Chelsea chuan Celtic a khel mek kum 26 mi Croatia full-back Josip Juranovic chu an ngaihven a, Atletico Madrid leh Manchester United pawhin an duh. (90min)
Paris St-Germain in Inter defender Milan Skriniar chu an tlarhnung a khel tura an duh ber a ni a, an lalut thei lo a nih chuan RB Leipzig atangin Mohamed Simakan an ngaihven ang. (L’Equipe)