Manchester United chuan tun nipui a ngawrh taka an umzui Brazil winger Antony chu Ajax Amsterdam atangin an lalut dawn a, a man turah club pahnihte an inrem tawh.
United hian Pound maktaduai 85 a manah an seng dawn a, Pound maktaduai 80.75 hi an pek phawt hnuah Pound maktaduai 4.25 an pek belh leh ang.
Kum 22 mi hian medical nei turin Thawhtanni khan Manchester a pan a. Zaninah a insawnna tihfel an beisei.
Kum 2020 a Sao Paulo atanga Dutch club zawmtu hian Ajax tan match 82 khelin goal 25 a khung bakah midang khung tur vawi 22 a siamsak tawh.
United tlarhmaah khel kual thei forward awm nual mahse dinglam a khel tur vei khawr an nei lova. Manager Erik Ten Hag-a’n football a khelh duh danah ‘inverted winger’ an pawimawh si avangin Brazil tana vawi 9 khel tawh hi an umzui ngawrh hle.