England striker Harry Kane chu a penalty pet dansak nimahsela goal hnih a khung thei thova. Premier League kaithar club Nottingham Forest lakah 2-0 in Tottenham Hotspur a chakpui.
The City Ground-ah tun nipui a squad inthuam tha nasa tak Forest hian fakawm takin football an khel a. Inkhel bul tan atangin a huai zawkah an tang fo. Nimahsela player nei tha zawk Spurs danglamna hun pawimawhah a lang.
Minute 5-naah Kane-a’n remchang a neih chu tisual miah lovin goal khung nan a hmang. Minute 56-naah save tha siam nual tawh Forest goalkeeper Dean Henderson chuan Kane-a penalty a save sak a. Mahse huntawp hma in an goal hnihna a tauh lut leh thei tho.
Tottenham boss Antonio Conte chuan, “Kan bul tan dan kha a lawmawm a, Premier League-ah chuan point thum hmuh zel a pawimawh avangin inkhel a bul tan that hi a ngai thin. He league hi indona a ni tih kan hriat reng a tul.” a ti.