- Ruata
MG Motor India chuan 2022 MG Gloster SUV chu Rs Nuai 31.99 man atanga intan turin an tlangzarh a. He SUV thar hi trim level 3 – Super, Sharp leh Savvy te a awm dawn a, Rs 31.99 – 40.78 (ex-showroom, Delhi) man inkar te a ni.
MG hi Morris Garages tihna niin British brand a ni a, lirthei tha leh changkang siamtu an ni a. Kum 2017 khan MG hian India ramah an manufacturing facility hmasa ber an hawng a. MG lirthei hi Mizoram ngeiah pawh a mikhual tawh lo a, tunah hian Aizawl khawpui chhungah MG SUV mawi tak tak hi hmuhtur a awm ve tawh a ni.
MG Gloster hi Toyota Fortuner te nena inel tur SUV lian a ni a. A lirtheiah pawh hi a lianin a zau tha a, Savvy trim hi 6 leh 7-seat layout in duhthlan tur a awm a, 4X2 & 4×4 drivetrains a awm bawk a, Super and Sharp hi 7-seat layout chauhin a awm thung a, 4×2 drivetrain chauh a awm bawk a ni. Heti a nih chuan a trim man to berah chauh four wheel drive system a awm tihna a ni.
Kentel hrang hrang
2022 MG Gloster hian tunlai thiamna changkang tawh tak hmanga duan hmanraw tha tak tak a kengtel a. Himna lamah pawh hmanraw tha tak tak a rawn nei bawk a ni. Tuna Gloster lo chhuak mekin a neih sa Advanced Driver Assist System (ADAS)-ah hian thil thar Door Open Warning (DOW), Rear Cross Traffic Alert (RCTA), leh Lane Change Assist (LCA) te rawn nei thar a ni.
A 4WD model bik 2022 MG Gloster hian SUV British Windmill Turbine-themed alloy wheel thar hlak a rawn nei bawk a. Tuna a rawng duhthlan tur awmsa bakah ‘Deep Golden’ colour colour a rawn awm belh dawn a, tunah hian Metal Black, Metal Ash leh Warn White te a awm mek a ni. 2022 MG Gloster hian 12.28-inch touchscreen infotainment system & Audio system with 12 speakers, Android Auto & Apple CarPlay awm tel, Shortpedia news app & Ganna song search via voice command nei tel a hmang a, hei hi a tlukpui leh a elpui SUV te zinga a hmasa ber a ni. Hei bakah hian connected car tech a neihah hian connected car feature 75 lai a awm bawk a ni.
MG Gloster tharin a kentel tur zingah hian electrically adjustable driver seat with heating, ventilation, message & memory function, 360-degree camera, dual panoramic sunroof, 3-zone climate control, cruise control, traction control, 6 airbags, leh adang tam tak a awm a. Level 1 ADAS neiin hetah hian autonomous emergency braking, blind spot monitoring system, lane keep assist, collision avoidance system, leh adangte a awm bawk a ni.
A khawl
2022 MG Gloster hian diesel khawl chi hnih – 2.0-litre, 4-cylinder turbo leh 2.0-litre twin-turbo a nei a. A hmasa zawk hian 163bhp power leh 375Nm pechhuak theiin twin turbo khawl zawk hian 218bhp power leh 480Nm torque lai mai a pechhuak thei bawk a, a chak tha viau dawn a ni. A twin turbo diesel khawl hian on-demand 4WD (four-wheel drive) system, drive mode hrang hrang awm tel a nei a. Transmission lamah chuan 8-speed automatic gearbox a nei a. A fourwheel drive system hi intelligent 4WD niin all-terrain system, driving mode 7 lai nei a ni bawk a, a thain a changkang hle a ni.
Gloster thar hian personalised car ownership program “MY MG SHIELD” neiin hetah hian after-sales service option 180 lai a awm bawk a ni. Customers te hi standard 3+3+3 package pek an ni dawn a, hemi awmzia chu warranty kum thum, roadside assistance kum thum leh 3 labour-free periodic service tum thum a nei dawn a ni.
Official te kamchhuak
Rajeev Chaba, President and Managing Director, MG Motor India chuan thiamna hmamraw changkang ber ber nei, tunlai thei ang ber lirthei duan leh an customer te tana lungawina leh innghahna tlak nih chu MG company-in an ngaihpawimawh ber a nih thu a sawi a. Gloster chu lirthei chak leh rothap, rintlak leh changkang bawk si a nih thu leh an lirthei leitute pawh hemi avanga an lungawi viau thin thu a sawi bawk a. An 2WD leh 4WD trim te, khawl chak tha bawk si te, technology thar ber bera thuam a nihna te, Autonomous Level 1 leh MY MG Shield Package te chu mi tam tak, a bik takin changkanna ngaisangtu lirthei leitute hiptu tur tur a nih thu a sawi bawk a ni.