AS Roma in Serie A table chung ber luah turin an bul tan that an chhunzawm a. Thawhlehni zanah Monza lakah 3-0 in an chak.
Stadio Olimpico-ah Roma tlarhma an par vul a, mi thar Paulo Dybala chuan club tana a goal hmasa pahnih khungin Serie A goal 100 a khung.
tlinna a ni a. Roger Ibanez chuan an goal dang a khung.
Tun season a an elpui tur zing ami Inter Milan pawhin an mualah hnehna an chang a. Nicolo Barella in goal mawi a khung zanah 3-1 in Cremonese an hneh.
San Siro-ah Inter hian Joaquin Correa hmangin minute 12-naah goal an khung a. Minute 38-naah Barella in goal mawi khungin an hmahruaina a belhchhah.
Substitute Lautaro Martinez chuan second half-ah Barella bul tan counter-attack rang tak chu a hmawr bawkin an goal thumna a khung a. David Okereke chuan huntawp hma in mikhual team tan goal khat a khung.
Inter manager Simone Inzaghi chuan, “Hnehna kan chan avangin ka lawm a, zanina point hmuh phu taka khel team lakah result tha tak a ni.” a ti.
Champion lai AC Milan erawhin point an hloh leh a, Sassuolo lakah goal khung thei lovin 0-0 in an inhnehtawk.
Milan tan goalkeeper Mike Maignan chuan first half-ah penalty a save bawk.