Nikum December thla khan an innei a, tunhma lama an inhnimhnai lai awm hriat a nih loh vangin zawhna pawh a tam. Tunah chuan a chiang ta.
Bollywood star pahnih Katrina Kaif leh Vicky Kaushal te inkara hmngaihna lo piangin, pumkhata rang taka a siam dan chu Koffee With Karan Season 7 tihchhuah turah ngaihthlak theih a ni ang.
Katrina chuan, a pasal la ni tur Vicky hi a rilru leh ngaihtuahnaah a phe zeuh paw’n a lang ngai lova, hetia pumkhata an insiam ta mai hi Khuanu remurat leh samsuih ngei nia a ngaih thu a sawi.
Hemi chungchang hi Host Karan hrilhin, “Ka hriat ngai pawh a ni lem lo. A hming ka hre ve thin a ni mai a, kan inhrepawh lo. Mahse, hmaichhana ka hmuh khan ka luangliam nghal a ni,” a ti.
Zoya Ahktar-i’n party a buatsaihna pakhatah Katrina leh Vicky te hi a vawikhat nan hmaichhanah inhmu in, bung thar an keu ta a ni.