AZL: Sorkar kum kal mek 2022-23 chhungin Mizoram sorkarin RBI atangin over draft hmangin tum ruk, Rs vbc 256.396 a puk tawh.
Ni thum awh Assembly Session neih chhunga ZPM Legislature Party Leader Lalduhoma’n RBI atanga sum puk zat ziaka a zawhna chhangin finance changtu, Chief Minister Zoramthanga chuan 2022-23 chhungin tum ruk over draft hmangin sum puk a nih tawh thu a sawi.
July 21, 2022 khan Rs 2,01,23,93,645.42 puk a ni a, a tukah Rs 47,47,28,326 puk leh a ni tih sawiin, July thla vekah July 26, 2022-ah Rs 50,74,117, July 30,2022-ah Rs 35,00,000 puk a nih thu a sawi bawk.
August thlaah over draft hmangin RBI-ah tum hnih sum puk a nih thu tar langin, August 2, 2022-ah Rs 3,20,22,909.96 leh August 2, 2022-ah Rs 3,62,36,690 puk a ni thu leh an sum puk zawng zawng chu Rs 2,56,39,55,688.38 a tlin thu zawhna a chhannaah hian a tar lang.