Aizawl : Assembly session neih zawh taka ZPM legislature member VL Zaithanzama’n ziaka SEDP hnuaia zirtirtu rawih zat a zawhna chu Education minister-in SEDP hnuaiah zirtirtu 701 bakah non-teaching staff – LDC 37 leh IV Grade 33, an vaiin 711 rawih an nih thuin a chhang.
Education minister Lalchhandama Ralte chuan SEDP atanga zirtirtu rawih zinga 337 chu Primary School zirtirtu an nih thu leh Middle School zirtirtu 122, HS zirtirtu 230 leh HSS zirtirtu 12 an nih thu a sawi.
SEDP atanga rawih zirtirtute hlawh zat minister-in a tarlan danin, HSS zirtirtu Rs 20,000, HS Rs 15,000, Middle school Rs 12,000 leh Primary school zirirtu Rs 10,000 pek an ni a. Zirtirtute chu interview kaltlanga lak an ni em? tia VL Zaithanzama zawhna chu Minister chuan, “Department chuan zirtirtu mamawh zual/indaihlo zual school a zawng chhuak a, chutiang school awmna khuaa hman theih tur leh qualify, a khaw mi sawmin SEDP hnuaia zirtirtu atan lak an ni,” tiin a chhang bawk a ni.