Aizawl : Congress Treasurer Zodintluanga Ralte-in MNF sorkarin Mizoram mipuite a sawr fe mai ni lovin a fawhin a fawp kang vek niin a sawi.
Aizawl City Block Joint Conference nimina neihah Zodintluanga chuan he thu hi a sawi a. “Tui bill a pung a, Electric bill kan pek hleih theih loh khawpin a kum telin an tipung a. Assembly session-a an bill putluh pawh mimalin central atanga zangnadawmna an dawn atanga 15% lak sak na tur a nih tuh sawiin, “mipui hi a fawhin min fawp kang vek a ni” a ti.
Congress party chu ram leh hnam siamtha leh turin Zoram mipuiin an en niin Zodintluanga chuan a sawi a. MNF chu anmahia sorkar leh tuma an lan loh thu sawiin, sorkar leh tum se sorkar tha tak an siam a rin thu leh an pu berin a zir loh avanga sum bawiha an tan tawh thu a sawi.
ZPM pawh an fan a tawp tawh nia sawiin, “ZPM hian theihtawp an chhuah a, vawiina an dinhmun hi an thleng thei tawk a ni” tiin hei baka hmasawnna tur an neih tawh loh thu leh tumah mil thei lo kalkhawm an nih thu a bawk bawk.