UFC chuan November thla a pay-per-view inelna a buatsaih tur UFC 281-ah lightweight match up lian tak a buatsaih dawn a. Dustin Poirier leh Michael Chandler te an intum dawn.
Fighter pahnihte contract ziah fel la ni lo mahse UFC Chief Business Officer Hunter Campbell chuan he 155 pound bout hi a thlen tur thu a sawi tawh a. New York a Madison Square Garden-ah UFC 281 hi nghah a ni dawn.
Kum 36 mi Chandler hian Poirier nen hian December a intum a duh a, hetihlai hian Poirier hian Octagon luh a inpeih leh tawh thu a sawina a rei leh tawh.
28-7 MMA record nei Poirier hi nikum December a lightweight champion Charles Oliveira a hneh loh hnuah cage a vawikhat luhna a ni leh dawn.
Hetihlai hian 23-7 record nei Chandler hi Bellator MMA champion hlui niin kumin May thla khan round hnihnaa chiang takin Tony Ferguson chu knockout in a lo hneh tawh.