French club FC Lorient chuan Ligue 1 inkhel pawimawhah Lyon chu an hneh a. An mikhualte hi Nilaini zanah 3-1 in an sawp.
Stade du Moustoir a inkhelah Lorient tan striker Terem Moffi chuan goal a khung leh a, tun season-ah league goal nga a khung tawh.
Enzo Le Fée chuan minute 6-naah mualneitu tan goal a khung hmasa a. Hei hi minute 28-naah Lyon in striker Alexandre Lacazette hmangin an sut.
Mahse minute 33-naah Moffi-a’n league match vawi 6 atanga a goal nga na a khung a. Second half tan tir lamah Dango Ouattara chuan an goal thumna a khung ve leh bawk.
Lorient hian tun season-ah match ruk atang vawi li hnehna an channa a ni a, panganaah inhlangkaiin tun Pathianni hian Nantes an mikhual leh ang.