- Lallunghnema, Charity Lodge
Consumer Huang kan la chhunzawm zel thei a, ka lawm khawp mai. Rah duhawm tak a chhuah zel ka beisei. Aizawl chhuah lam Veng a mi pakhat chuan motor part a lei thuah min phone a. Harsatna a tawk a ni. Kei mi fing lo, thluak thawl thurawn angin eng tin tin emaw an in chingfel thei tih ka hriatin ka lawm hle mai. Hetih lai vek hian In hmun lei chungchanga harsatna a tawh avangin Aizawl Veng pakhata pa pakhat, sa nghet deuh, fin hmel tak hian phone mai duh tawk lovin min lo pan ve bawk a. Tih theih ka nei lova, tih dan tur lo kawh hmuha, a tul dan a zira hmalakpui a ni mai a. A khirh khawp mai.
Hetiang,consumer case ni chiah si lo, buaipui ngai ve tho,a changa Lok Adalat tih ang vel thuar thama kalpui ngai ta thin hi ka tawng ta fo mai.
Dawrkai leh sumdawng, dawr hran hawng si lo,. thenkhat phei chuan an ak bawk. Hengho hi hralhtu(seller) an ni a, pe chhuaktu, thawhsaktu(provider) an ni bawk a. Consumer Protection Act 2019 in a huam vek a ni tih kan sawi tawh thin a.
Thil lei leh hman,tha leh tha loh chungchanga thutlukna siamtu chu consumer an ni. Thil tha lo lei leh service tha lo hman chungchanga thuneihna neitu chu consumer-te hi kan ni. Nangmahah khan i chanpual chu a innghat mek a ni tih hria ang che. Ni tin in pawisa i hmang em? I hmang lo a nih pawhin in chhungkua chuan in hmang hrim hrim a. I dikna leh i chanvo chu i humhim thei a. I duh leh duh loh a ni a. I thu in i ding ang a, i thu vekin i hloh ang. Huaisen taka i dikna leh i chanvo sualchhuak tur i ni e. I hlimna leh i lawmna pawh i kutah a innghat a ni.
Thil zuartu tha lo leh duham i tawng a nih pawhin zam mai lo la, tha takin hmachhawn zel ang che. I dan hriat chhun chu hman tangkai tum la, i hriat tamah innghat suh. Mahni chanvo leh dikna venghimtu chu mi taima a ni a. Taima hna a ni. Uaisenna nena hmachhawn chi a ni.
Hei hi han chhiar teh le!
State Bank of India, Kota, nuai 63 lakhs chawitir thu hi! Kan chenna consumer khawvelah hian thil mak tak tak a lo thleng mek zel a. Mipa leh mipa inngaizawnga innei ta mai mai te, hmeichhia leh hmeichhia innei ta ringawt te hi he ram riangte Lalpa zawn chhuah ramah hian a za tel an lo awm ta reng mai. Hengho hi Thlarauvah an piangthar lo tih a chiang a; Pathian fa an ni lo tih a hriat em em bawk. An boral mek avangin an vanduai a, an khawngaihthlak em em a ni. Mipa ni si lo ‘Patil’ tih vel te phei hi chuan chaw ei an ti tui lo tak zet zet a ni. Mahse maw… khua leh tui an nih chuan ‘right’ an nei ve tlat, pawisa senga thil leia hmang thin an nih phei chuan an ‘consumer’ hliah hliah a, Consumer Protection Act chuan an dikna te chu vawnhimsak a duh lawi si a ni.
Tichuan, mi pakhat a hming, B.C Gangapadhyaga kum 92 zet a upa chuan Telangana State Consumer Disputes Redressal Commission hnenah consumer complaint hetiang hian a theuhlut a. SBI Kota Branch-ah account hawng a, ngaihtha taka an awm laiin an account chu internet banking facility nen a hriatpui loh leh a remtihna la lovin thlunzawmsak a ni a. Hetianga internet facility thlunzawmsak a nih avang hian ‘online fraud’ a awm phahin harsatna namen lo a tawh phah a ni. Complainant B.C Gangopadhyaya (93) hi IAS (retired) Government of Andra Pradesh a thawk thin a ni. A nupui Arati(86) nen kum 2019 khan SBI Kota Branch-ah hian joint account an hawng a ni. Hetia online fraud a awm avang hian Kota Bank hotute hnenah chuan vawi duai lo harsatna an tawh thu an thlen a. Chumi hnu pawh chuan SBI hian an lo ngaipawimawh lo hle a. A kaw tawpah Consumer Commission hnenah an zualkovin he Bank hi an nupa hian an khing ta a. Hetiang hian cimplaint chu chinfelsak an ni ta a ni. Hetiang hian saptawngin a in ziak ‘
‘SBI orderd to reimburse Rs. 63.7 lakhs to senior citizen. Telangana SCDRC directed SBI Kota to reimburse Rs. 63,74,527 with compensation Rs. 3 lakhs to a customers for linking the complainants account with internet banking facility without any request from them which led online fraud.’
He Judgement hi hetiang vel hi a nia, vaiho hi chu an pui khawp mai. A hun leh hmun an hria a; huaisen hun, tlawm hun, dawihzep hun, dawhtheih hun, inphah hniam hun an hria a ni. Keini ho hi chu kan tha reng a, kan sual reng a, kan inti huaisen a, kan huaisen tak tak si lo. Kan inti fing a, kan fing ziktluak si lo. Changkang kan inti a, bus chuan hreh tawk lekin kan changkang a, kan nei tak tak si lo. Intodelh lo tawk zelin hma kan sawn a ni. Sual kan hua a, sual khawi ngam tawkin kan chhaih kawlh a. Mahni hmasial loh tur tiin kan inzirtir thin. Mahse, chutianga min zirtirtute lah chu mahni hmasialnain am khat lawi si. Dan hre mi inti, dan hre zik tluak si lo kan ni.. Consumer Right phei chu dawrkai leh sumdawng ho khawi ngam tawk chauhvin kan hre lawi si. Biak Inah thu tha tak tak kan inzirtir a, Biak In pawnah a tawp leh ringawt! Politician lem, a tak awm lo. Setana politics kan khel a. Inti hausa tawk chauhva ram hmangaihtute chuan consumerte chu an nam thlu mek!.
Consumer-te tihuaisentu mi tha kan duh, kan mamawh. SBI case atang hian lo inzir rawh u. Harsatna in neih chuan pan theih reng kan ni e. Nangmah tanpui che hi kan hlimna ber a ni.
See you next week!