ENJOY (Hlimna leh lawmna): Kawppui leh ngaihzawng te nihna zawng zawng chu, lung si taka pawmpui mai bakah, hmangaihnain a chhawm tel, hlimna leh lawmna famkim chu, hmangaihten an lo chan ve theih nan in hman thiam a ngai a ni. Hmangaihna hlutna ber chu, “Kan inkara hlimna leh lawmna” hi a ni a sin.
FREEDOM (Zalenna): Kawppui leh ngaihzawng te chu, an mahni mimal thilthu ah thuruk engemaw an nei reng thei a ni tih hriatthiam puia, zalenna pek thiam pawh hi a pawimawh em em bawk. Kan inhmangaihna, hi kawppui leh hmangaihte tan lung In, hrehawmna khuarkhurum a chantir lo turin i fimkhur ang u. Pathian in mihring a siam atanga min pek tel, zalenna leh duhthlan theihna hi kawppui te hnenah pawh pek thiam a pawimawh em em a ni. A changchuan, an thiante nen, an chhungte nen, zalen taka hun hman an duh pawh a ni mai thei. Thiante nena hun an hman dawn avangin thilsual titurah chuan ngai kher lo la, i kawppui hian chhia leh tha hriatna a nei tih hi, i hriat tlat a pawimawh bawk.
GIVE (In pekna): Hmangaihna hi “inpekna, inhlanna” a ni e” tiin mi tam takin an lo sawi thin. “Hmangaihna” hi a pe na zawngin an chang chuang lo. Mahse, inpekna tel lo chuan a chan theih bawk si loh. “Hmangaihna chuan Hmangaina a phut let leh thin a ni” Kan pek anga kan hmangaihte pawhin min chhanlet (min peklet) ve chuan, khawvela mi vannei kan ni ve mai a ni. In hmangaih tawnna, in pek tawnna tel lo chuan, hmangaihna famkim a ni thei lo. Hmangaihte tan chuan, engkim an phal vek mai a ni ( Engkim an phal vek tih mai a vanga, inkutsuih, inneih hma, engkim a vai ” a zawng zawng a” in dil erawh a tha lo). Kan in dil chhuak thei a nih pawhin, chhungkaw hlim lohna thlentu hmanraw hlauhawm tak a ni fo.
HEART (Thinlung): Hmangaihna ah hian a thupuiber leh pawimawhber chu “thinlung” hi a ni. Kawppui leh ngaihzawng chu thinlung zawng zawg thap ral thakin kan hmangaih thiam a pawimawh em em a ni. Thinlung zawng zawngin kan duat thiam tur a ni a, thinlung zawng zawngin kan hrethiam tur a ni. Thinlung tel lo tawngkam hi khawvela thil hlauhawm ber a tling a ni.