Milar nupa kawpchawi duhawm ber pawl ni thin Zayn Malik leh Gigi Hadid te an inthen hnu-ah Zayn hian Gigi hi Instagram-ah a unfollow ta.
Kum 29 mi zaithiam leh hlaphuahthiam ni bawk hian instagram-ah mi 24 chiah a follow a, an zingah hian a fanu kumhnih mi Khai-i nu Gigi a tel tawh lo a ni.
Gigi (27) leh Titanic star Leonardo Dicaprio (47) an inzui mek nia sawi hat hat a nih lai kara instagram-ah unfollow thleng nghal mai bawk hian titi a titam hle.
Leonardo leh Gigi te an inhaw lo hlea sawi a ni a, khuanu samsui ni awm hrimin an inngaina in, an inthlah hlei thei lo nia report hriattur a tam bawk.
Kum 5 chhung inzui tawh Leonardo leh Camila Morrone te inthen hnu deuh lawka thu thar awmzui hi media mite chawtui ber a ni mek.
Zayn-a’n a nupui nu Yolanda Hadid chu kut a thlak nia puh a nih hnuah Gigi nena an inkar chhe zuiin, an inthen phah ta a ni ber.
Zayn erawh chuan Yolanda nen hian tawngkamin an inchhanglet ni maiin a insawifiah na a, Gigi tan lungawina tling a ni chuang lo.