West Bengal chief minister leh Trinamool Congress (TMC) supremo Mamata Banerjee chuan December thlaah Tripura a tlawh dawn.
TMC national general secretary Abhishek Banerjee chuan Agartala, Tripura-a vantlang inkhawma thu a sawinaah Pathianni khan a sawi chhuak.
“Mamata Banerjee-in Tripura hi December-ah a tlawh dawn a, Agartala-a Vivekananda Ground-ah hian thu a sawi ang,” tiin a sawi.
Abhishek Banerjee hian Pathianni khan Agartala-ah hun hmangin hmarchhak state-a a vawi khat nan vantlang inkhawmah thu a sawi.
Biplab Deb-a kaihhruai BJP sorkar chuan dik lo takin Tripura-ah ro an rel niin a sawi.
“BJP-in chak taka ro an relna hi kan bei ang a, kan hneh dawn a ni,” tiin a sawi.
Tripura Chief Minister Deb chu na taka a chungchang sawiin, ‘Big-Flop Deb’ (hlawhchham liana) tiin a sawi a ni.