Aizawl: YMA Chaltlang branch, Aizawl-in Bungmual, Mualkhuang leh a chhehvel lui tête zawng zawng humhalhpui turin mipui an sawm.
Hemi chungchanga thuchhuah an siamah YMA Chaltlang Branch chuan kum eng emaw zat kalta atang khan Bungmual, Mualkhuang leh a chhehvela lui luang eng emaw zat – Chhimluang Hnai, Chaltlang lui leh Bung lui te bakah heng ram pahnih chhunga kawr luang zawng zawngte chu an humhalh tih sawiin, sorkarin ram pumah October 10, 2022 – December 18, 2022 chhung luidung nungcha humhalhna thupek a chhuah chu an thlawp thu leh kum danga an lo tih tawh thin ang leh sorkar tha tichak turin lui tête chu kuminah pawh an humhalh leh tih an sawi bakah henglai ram hnaiha awm YMA branch-te pawh humhalhpui turin an sawm bawk.
YMA Chaltlang Branch chuan Bungmual, Mualkhuang leh a chhehvela ngaw, nungchate leh lui tête chu humhalhpui leh tur leh nghafuan laia lui sa tichereu zawnga hma la lo turin mipuite an ngen a, branch YMA thuchhuah ngai pawimawh lova ram leh lui tichereu zawnga hma late lakah khuarel leh nungchate humhalhna dan hnuaiah an chungah hmalak a ni dawn tih an sawi bawk a ni.