AZL: Ni khat chama Mizorama zin, Union Minister of State for Minority Affairs John Barla chuan Inrinni tlai khan Chief Minister Zoramthanga chu a chenna, CM bungalow-ah hmuin an inkawm.
Union Minister Barla chuan chief minister hnenah District Council Affairs & Minority Affairs Department leh Social Welfare & Tribal Affairs Department nena meeting an neih thu leh an thu rel tlangpui a sawipui a. Minority-te hmasawnna tur sorkar laipuiin a ngaih pawimawh thu leh Mizorama hmalaknate an sawiho thu a sawi a. Mizoram chhungah minority awm mah se, India ram pum thlir chuan Mizorama chengte chu minority anga ngaih theih a nih thu te an sawi bawk.
Barla chuan minority-te hi ram hmasawnaah thawh hlawk tak tak an nih thu a sawi a. Kristiante chu entirnaah hmangin ram hruaitu langsar tak takte hi Kristian zirna in atanga zirchhuak an nih thu te a sawi a ni.