Kum 2022 chhunga film hlawhtling ber nihna a chleh hnu ah ‘Avatar: The Way of Water’ chuan record thar siam belhin, lemchan khawvela sum lalut hnem ber pasarihnaah a inhlangkai nghal.
James Cameron kutchhuak Avatar 2 hian khawvel pumah $Billion 1.7 a lalut fel der tawh a, ‘Jurassic World ($1.6 billion) khumin box office history-ah kar li chhung lekin sum lalut hnem ber pasarihnaah a invawrhchhuak.
Hripui leng vuakvet kara film hlawhtling ber pahnihna nia chhal ni bawk hi nikum 2022 khan a chetha ber bawk a, ‘Spider-Man: No Way Home’ chiah a pha lo. Heti ang zela a kal vung chho a nih chuan reilote ah ‘Spider-Man’ pawh hi lehpelin pakhatna a nih thuai beisei a ni nghe nghe.
Avatar 2 sum lakluh hi $billion 2 a hnai ta hle a, karlovah film ropui leh sum thawkchhuak hnem ber list-ah a chungnung hle turah an ngai.
Tun dinhmunah ‘Avatar’ ($2.9 billion), ‘Avengers: Endgame’ ($2.79 billion), ‘Titanic’ ($2.2 billion), ‘Star Wars: The Force Awakens’ ($2.069 billion) leh ‘Avengers: Infinity War’ ($2.04 billion) te hi lemchan khawvela sum lalut hnem ber te an ni mek.