Sri Lanka-a central bank chuan China leh India hnenah an sum puk (loan)-te chu a theih ang anga ngaihdam turin a ngen.
Indian Ocean-a awm ram hian sum leh paiah harsatna lian tak tawkin an leiba an pe thei lo va, chhanchhuah nan $ tluklehdingawn 2.9 zet an mamawh a, chumi nei thei tur chuan an bei mek.
International Monetary Fund (IMF) chuan China leh India ramten Sri Lanka-in dollar tluklehdingawn tam tak an bat chu an ngaihdam hma chu khai chhuahna tur sum hi pek a tum lo.
Sri Lanka-a central bank governor chuan BBC Newsnight hnenah heng mi hrang hrangte hi an ram tan rang taka an chet chhuah a ngaih thu a sawi.
P. Nandalal Weerasinghe chuan, “Suma min puih thuai hi khawi lam tan pawi, a petu leh a batu tan a tha ve ve,” a ti.
“Chu chuan an hnena kan pek tur pawh kan pek hma theih phah zawk dawn a ni,” a ti.
“Hetiang dinhmuna din hi kan duh lo va, rei tak chu kan tum angin kan awm thei lo va. Kan ram leh keini tan pawh a tha lo va, Sri Lanka-a investment tite tan pawh a tha hek lo,” a ti.
Weerasinghe chuan inremna hi January thla tawpah chuan siam theih mai a rinawm tih a sawi a, hetih rual hian ‘kil hrang hranga mite thutlukna siam danah a innghat a, kan pawisa puknate hian chu thutlukna chu an siam tur a ni ang’ a ti.
Sri Lanka-in sum leh thil dang hmansak an mamawh ang zawng zawng chu an mi dawrte hnenah hian an thlen fel vek tawh tih a sawi bawk.
China hian Sri Lanka-in sum a puk a ngaihdam hian ram thang mek dangte hnena Belt and Road programme a kalpui hmanga puk tur a tihtam belh dawn niin an ngai nia sawi a ni.
Hetih lai hian India chu a awmna hnaiha a elpui lian ber, China chet dan tur ngaichangin a awm mek nia sawi a ni.