Meghalaya Assembly inthlan lo awm tur atana inbuatsaihna kal zelah Election Commission of India (ECI) team chuan ni hnih chăm turin Ningani khan hmarchhak state hi an thleng.
ECI team hi Shillong-ah lutin inthlan lo awm tura inbuatsaihna kalpui dan an enpui dawn a, ruahmanna an siampui ang.
An chăm chhung hian Meghalaya-a political party hrang hrangte pawh inthlan lo awm tur chungchangah hian an kawm ang.
ECI team hian Meghalaya-a district 12 bawrhsap leh SP-te pawh kawmin venhimna dinhmunte pawh an sawipui dawn a ni.
Mi hrang hrang an kawm zawhah hian state sorkar hotute nen an sawiho leh dawn bawk a. He sawihona tur hi chief secretary-in kaihruaiin DGP leh sorkar mi pawimawhte a tel dawn a ni.