Aizawl: Transport Minister T.J. Lalnuntluanga’n nimin khan Road Safety Week 2023 a hawngin, rui chunga lirthei khalh lo turin leh traffic dan zawm theuh turin mipui a chah.
Vanapa Hall-a hawnna inkhawmah thu sawiin TJ Lalnuntluanga hian, kum 2023 Road Safety Week denchhen hian lam liana chetsualna laka mipuite him theih nan leh chetsuala hrang hrang pumpelh tlan a nih theihnan danin a phal loh tih loh nise a duh thu a sawi a. Rui chunga lirthei khalh lo turin leh traffic rules leh regulation te tha taka zawm a, lirthei hlui hralh/tihral dawn a lirtheiin tawhsual a tawh palh a buaina tawh loh nan hming thlak (ownership transfer) ti ngei thin turin mipuite a chah a ni.
Transport minister hian dan hnuaia awm an ni tih inhrerengin department hmalakna tura ruahman chhawpchhuah te danin a phal chinah hma an lak zel tur thu a sawi a. Dan zawmtute tan dan thar thenkhatte hi a hlauhawm loh thu a sawi bawk.
He huna Transport Director Er R.Lalrammawia’n a tar lan danin, December 13, 2022 thlenga driving license pekchhuah 47,1095 leh lirthei register 27,8144 a awm a ni.