Aizawl : Legal Metrology leh Mizoram Police tangkawpin nimin khan Siaha-ah buhfai buk tlinglo bag 497 an man.
Legal Metrology staff leh Police-te chuan nimin khan Siaha khawpui chhunga dawrkai, eichawp zuar te tlawh kualin an thil zawrh te an endik a, dawr 10 atangin bufai zawrhlai bag 497 te chu kg 50 anga inziak, kg 40 leh kg 45 chauh ni si te manin, an hrensak a; buhfai an man tam berte chu Suraj buhfai niin, Tripple seven bag 32 a tel bawk.
Legal Metrology department chuan bag chhunga hmuh theih loh thil inkhung zat leh pawn lama inziak inmillo chu Legal Metrology dan kalh a nih thu sawiin, mipui bumna kawng zau taka hawnna a nih thu an sawi.
Heng thil diklo hi Siaha-a dawrkaite tih mai ni lovin hmunpui lam kutchhuak ni ngeia hriat ni bawk mah se a kawltu chungah dan lekkawh hmasak phawt a ngai tih an sawi a, hetiang thil diklo chu tihtawp a nih theih nan Legal Metrology leh Mizoram Police chuan hmalak chhunzawm zel an tum thu an sawi bawk.