Aizawl : Serchhip West Block MNF hnuaia Block OB, Frontal leh Unit hrang hrang hruaitute nimina Vantawng Group YMA Run, Thenzawl-a Joint Meeting an neihah MNF Adviser J Malsawmzuala Vanchhawng-in a hman pui.
Inkhawmah J Malsawmzuala Vanchhawng chuan, Covid-19 hri lengin ni 937 tehmeuh ramin harsatna a tawh hnuah hun tha a inher chhuak mek tih a sawi a. MNF sorkar kal mek kum li (4) pumhlum tawhah pawh minister te leh MLA te eirukna leh hlemhletnaah hmingchhia an la awm lo nia sawiin, “Kan party President, chief minister zahawm tak Pu Zoramthanga chungah tuanin finfiahna awm lo in, rinthu leh zeldin thu hmangin eptu party te’n nasa takin an bei mek a, mipui rilru a ni lo zawnga hruai kawi an tum a ni,” a ti.
MNF party-in kum 2023-a Serchhip bial vil tura a ruat J Malsawmzuala Vanchhawng hian kumin MLA inthlanpuiah pawh MNF chuan sorkarna an siam leh ngei a rin thu a sawi bawk.