James Cameron kutchhuak, ‘Avatar: The Way of Water’ chuan box office record thaichhe mawlh mawlhin, $Billion 2 chuang a lalut ta a, Marvel siam, ‘Avengers: Infinity War’ chu phet thla in, sum lalut hnem ber pangana a ni chho ta.
‘Infinity War’ film kha 2018 kuma film hit ber niin, $Billion 2.048 a lalut thei a, Cameron film erawh chuan $Billion 2.054 hlawkchhuak tawhin, a sang chho tial tial dawn niin a lang lehnghal!
‘Star Wars: Episode VII: The Force Awakens’ ($2.07 billion), ‘Titanic’ ($2.19 billion), ‘Avengers: Endgame’ ($2.79 billion) leh ‘Avatar’ ($2.92 billion) chiah a la pha lova, hun a rei zel ang a, lehthall a mual mual chu a neih ngei an ring.
Avatar 2 hi hripui leng vuak vet hnu lama film hlawhtling ber zingah a tel pha a, Tom Holland siam, ‘Spider-Man: Far From Home’ ($Billion 1.92) a khum chiang hle.
Tunah hian $Billion 2 chuang lalut thei film zingah tlar hmasa a hauh thei ta reng mai chu a ni a, he film siamtu Camero tan paw’n lawmna tur a tam lehzual. Heti hian film pathum a siam tawhte’n $Billion 2 chuang an hmu tawh, tihna a ni.