Tunlai thiamna leh hmanraw changkang tak takte hian thil theih loh anga ngaih te pawh a thei chho ta zel emaw tih mai tur a ni ta a. Taksa invawng tha a, taksa hriselna ngaipawimawh leh insawizawi taima te tan kum naupangte anga lan reng chu a lo harsa lo a ni ang.
Software millionaire, kum 45 mi chu kum 18 hmel a pu thei reng mai a, hemi atana sumsen erawh kumtin India pawisaa cheng vaibelchhe 16 vel a ni thung.
Biotechnologty lama mi hmasa Bryan Johnson hian kum 18 mi lek hmelpu thei tur hian sumsen a ngam huai hle a, hemi chauh hi ni lovin taksa vawn uluk a ei leh in hrisel ngai pawimawh a, insawizawi thatna hi a kaikuang a ti lo thei lo.
Tunah hian kum 18 mi lek lung leh changkna a nei tlat mai a, a thin hi kum 37 mi vel, thin hrisel tak kha a nei bawk a, a vun phei ch kum 28 vun ang chiah a ni.
Johnson-a taksa peng hrang hrang enkawl a, buaipui tur hian physician lar Oliver Zolman (29) leh a hote an chechhuak tawp a ni mai a, medical profession rual 30 chuang zetin kumtin an vil bawk avangin kum 45 mi ni tawh chung hian a lang naupang em em reng mai a ni.