AZL: Nimin khan Biate khaw bulah Truck (Hyva) a chesual a, a khalhtu a thi.
Biate atanga thudawn danin, nimin zing dar 10 vel khan Truck (Hyva) MZ-01 U 3645 chu Tuipui atanga Biate lam km khat leh a chanve velah a chesual a, a driver Hriatrenga (35), Keitum khua chu a thi a, he motor-a chuang ve dang pakhat, motor dang handyman chuan vanneihthlak takin hliam engmah a nei lo thung.
He motora chuang ve handyman chuan bike nen an inpel tur, kawng thlang lam an rap chu leiin a zo lo va, an liam ta niin a sawi a. Vawi thum vel an let nia sawiin, a hmunah driver chu a biak theih loh nghal niin a sawi.
Biate khuaa mi tlawmngaiten ruang la chhuakin Biate damdawi inah lak a ni a, postmortem a nih hnuah an khua, Keitum-ah lak a ni.