Aizawl : Health & Family Welfare Department chuan buh fai chi kha ‘Suraj Premium Grader Rice’ chu mihring ei atan a him tawk a nih thu an sawi.
Nimina an thuchhuahah H&FW department chuan, hun eng emaw kalta atang khan phai lam atanga lak luh, buhfai chi khat ‘Suraj Premium Grader Rice’ chu him lo leh hrisel lo, mihring ei atana tha tawk loa hriatna a awm avangin, Mizoram hmun hrang hrang hrangah rinhlelhna leh khapna hial tihchhuah chungchang chu zir chian niin, Food & Drugs Control Administration, H&FW dept chuan Guwahati-a laboratory-ah enfiah tura thawn a ni a. Endikna hrang hrang atangin buhfai hi mihring ei atan a him tawkin danin ei tlakah a pawm tih an sawi.