Kum 40 liamta chhung zawng pawha Bollywood ‘aw’ hriathlawh ber zingah Alka Yagnik chu YouTube Artist of 2022-ah stream nasat bera puan a ni ta.
Hindia leh tawng hrang hrang hla 20,000 chuang sachhuak tawh playback singer lar tak tan chawimawina leh hriatpuina duhawm ber a ni hial awm e. 2022 chhunga YouTube artist ngaihthlak nasat ber a ni reng mai. Korean band BTS pawhin an pha lo.
A tlangpuiia chhut danin, nitin maktaduai 42 vel stream anga ngaih a ni a, 2022 chhung khan billion 15.3 chuangzet YouTube lamah stream a ni hem hem mai a, Guinness Book of World Record-ah a chuang chiang hle.
Pahnihnaah Bad Bunyy a lang a, 2022 chhung khan vawi billion 14.7 stream a ni a, YouTube-a stream nasat ber artist thlanchhuah sawm zinga pasarih hi India ram mi leh sa, Indian an ni tlat mai bawk.