Rimawi khawvela milar leh hriatlawh Snoop Dogg, Gloria Estefan, Sade, Jeff Lynne, Glen Balland, Teddy Riley leh LIz Rose te chu Songwriters Hall of Fame-ah lakluh an ni ta a. Hetah hian hlaphuah lar tak, ‘Man In the Mirror,’ ‘Drop It Like I’s Hot’ leh Rhythm Is Gonna Get You’ te a tel.
Hlaphuah thiam pasarih te hi class of 2023 ah an tel a, June 15 hian Marriot Marquis Hotel, New York-ah chawimawina ropui tak nen sengluh an ni ang.
Rapper lar Snoop Dogg hla hit, ‘Drop It Like It’s Hot’ leh ‘Gin & Juice’ hian rapper dang Missy Elliot leh Jay-Z te chu hall-ah a zawm ve dawn ta tihna a ni a. Estefen hi Latin Rythms lama hla hit, ‘Rythms Is Gonna Get You’ leh ‘Let’s Get Loud’ te vanga chawimawi a ni bawk ang.
Soul-jazz vocalist chuai thei lo sade hi 1980s chhoa soft rock hit tak, ,’Smooth Operator’ leh ‘The Sweetest Taboo’ te hmanga sengluh a ni ang a,, Lynne erawh ‘Mr Blue Sky’ leh ‘Evil Woman’ a phuah fuh thlawt vanga lawmluh a ni ve dawn a ni.
Balland hi Alanis Morissette album hit full tak, ‘Jagged Little Pill’ (1995) a hla awm thahnem tak a phuah vang ni mai lovin Michael Jackson album, ‘Thriller’, ‘Bad’ leh ‘Dangerous’ a hla engemawzat a phuah vanga Songwriters Hall of Fame-ah lakluh a ni ang.