Odisha sorkar chuan Pathianni zan khan police pakhatin a kah avanga damdawi ina thi ta, Health & Family Welfare Minister Naba Kishore Das chu sorkar chawimawina famkim nen an vui danw tih an puang.
Sorkarin thuchhuah a siamah amah sun nan hian ni thum chhung, January 29 leh 31 inkarah sorkarin intihhlimna chi engmah a huaihawt dawn loh thu a tar lang.
“Odisha sorkar chuan sorkar mi pawimawh hi zahna, chawimawina hun a hmang dawn a. Hnam puanzar chu a boral ni leh a vui niah state khawpuiah a ngul chanvea zar a ni ang,” an ti.
Kum 60 mi, Das-a hi Pathianni chhun dar 1:00 vel khan Brajrajnagar khuaah Assistant Sub-inspector of Police (ASI) Gopal Das chuan a awmah vawi hnih a kap a, damdawi in panpui vat ni mah se an chhan thei lo.
Kah a nih hnuah hian Jharsugada panpui a ni a, Bhubaneshwar-ah lak zui lehnghal niin Apollo Hospital-a doctor thiamten bei ngial mah se an chhan thei ta lo a ni.