Tunlaia film award lian tham tak takte’n an ngainatrawn ni mek, Indian film, ‘RRR’ chu Japan ramah ni 100 chuang zet a hit ta a, he rama Indian film hit ber ni turin a dingchhuak.
Ram Charan leh Jr. NTR te inlanna hi nikum March khan tihchhuah daih tawh a ni a, box office-ah sum a lalut hem hem reng mai. Japan Box office-ah ni 100 a tling tawh a, Rajamouli film siam hi Japan-ah October 21 khan tlangzarh a ni.
Heti anga hlawhtlinna namai lo, ram dang daihah pawh a chang chhunzawm zel hi Rajamouli tan lawmna titamtu a ni a, lawmthu a sawi mawlh mawlh mai. “Tunhma khan ni 100 emawa ni 175 vel fllm a kal reng tawh chuan pui tak a ni tawh a.. heti ang hi tunlai chhanah a vang ta. Mahse, Japanese fan te’n lawmna tam tak min siam mawlh mawlh reng mai si a ni. I love you, Japan.. Arigato Gozaimasu,” tiin Twitter kaltlangin a sawi.