Mizo Students’ Union Gen. Hqrs., Aizawl-in nimin khan Jantar Mantar, New Delhi-ah peaceful demonstration (Delhi Chalo, Delhi Jaggo) an buatsaih a. Myanmar zalenna tura beitute thlawp tur leh thil dang hrang hrang India sorkar lakah an phut.
MSU huaihawta Delhi-a demonstration-ah hian mi 1,000 chuang an pungkhawm niin MSU hruaitute chuan an sawi a. Kalkhawmte chuan, “Mizo mipui leh khawtlang hi India ram leilung fa kan nih zia ram mipuite hriattira, thlamuang taka awm kan phu,” an ti.
Chin-Mizo-Kuki hnam hrang hrang India rama pem lut zawng zawngte thlawp tlat turin India sorkar an phut a. Myanmar atanga raltlante India ram pawna an zin theihna tur exit permit pawm turin India sorkar an phut bakah United Nations High Commissioners for Refugees (UNHCR) chu North-East India-ah office neia thuthmun rem turin an ngen.