Aizawl : Kum kalta (2022) chhung khan Kolasib district chhungah vawi 300 kangmei chh- uakin kangmei chhuak hian ram hectare 464. 99-a zau a kang.
Kolasib district DFO Margaret Lalramchha- ni’n a sawi danin nikum (2022) chhunga Kolasib district chhunga kangmei chhuak vawi 300 zinga vawi 288 chu lo, leipui leh huan hal vanga chhuak niin, hmun dang 12 a kangmei chhuak chu reserved forest chhunga kangmei chhuak a ni.
Nikum chhunga Kolasib district chhunga kangmei ven kawnga thawk tha berah Kolasib Vengthar VC te thlan an ni a. Bairabi North VC te pahnihna niin, Kolasib Tumpui VC te pathumna an ni thung.
Kolasib district fire prevention committee thukhawmin, kumina lo hal theih hun hnuhnung atana state sorkarin March ni 15 a ruat chu Kolasib district-ah pawh kenkawh tha an ti a. Lo halin kawngkama thingphun te a kan chhiat loh na turin kawngk an-a ramn nei te chu DFO, PWD leh LAD lama thawktu ten ruahmanna lo siampui se, an ti.
Kolasib district fire prevention committee chuan inthlahdah vanga kangmei tichhuak an awm a nih chuan hremna pek ngei ni se, an ti bawk.
Bawrhsap hova Kolasib district fire prevention committee thukhawm chuan kangmei ven hapta lo awm turah February ni 6-ah Parish Hall-ah he hapta hawnna hun buatsaih ni se, an ti bawk a ni.