Manchester United midfielder Christian Eriksen chu inhliam avangin April thla tawp thleng a chawlh a ngai dawn tih a club in an sawi chiang.
Inrinni zana Reading nen FA Cup a an inkhelh tumin striker Andy Carroll chuan hlauhawm takin a foul a. Hetah hian Eriksen hian a ke a ti na.
United manager Erik ten Hag chuan an club in a hmunruak luah thei tur player an nei tih a sawi a. Nimahsela heti chung hian tukin a player bazar inkhar hma in United hian Austrian midfielder Marcel Sabitzer an ngaihven.
Denmark midfielder Eriksen hi tun season a United player pawimawh ber zing ami a ni a. An tan vawi 31 inkhel tawhin goal hnih a khung tawh a, inkhel kaihruaitu ber a ni fo thin.
United chuan, “Christian hi hun engemaw chen a chawlh a ngai dawn, nimahsela season tawp kharnaah erawh a inrawlh ve theih a beiseiawm.” tiin an sawi a ni.