UFC featherweight champion hlui Max Holloway chuan April thlaah Octagon a lut leh dawn a. Arnold Allen nen an intum ang.
Fighter pahnihte hian April 15 a UFC Fight Night neih turah main event ni turin inremna an nei a. UFC lamin la puangzar lo mahse chiang tawh a ngaih a ni.
23-7 record nei Holloway hian July thla a champion lai Alexander Volkanovski chu UFC 276-ah decision hmanga a hneh loh hnuah khingpui a la nei leh lova. 145 huangah a dinhmun hi khirh hle in kum 2019 hnuah Volkanovski hi vawi thum a hneh lo tawh a. Fighter dangte lakah erawh la chungnung viau mahse Volkanovski champion lai chuan title chuh leh a tan a beiseiawm tawh lo sawt hle.
A khingpui tur Allen hi 19-1 a ni a, 145 pound huangah fighter beiseiawm zing ami a ni mek.
English fighter hian UFC a zawm hnuah vawi 10 inlan tawhin hnehna a la chang vek a. A inlan hnuhnung pahnihah UFC a tawnhriat nei tha tawh pahnih Calvin Kattar leh Dan Hooker te a knockout.