Rimawi khawvela Elton John, ‘Farewell Yellow Brick Road’ tour chuan tour atanga sum lalut hnem ber a ni ta.
Billboard tarlan danin, Elton-a final tour atang hian $Maktaduai 817.9 lakluh a ni a, September 2018 atanga bultan ni bawk hian Ed Sheeran, ,’The Divide Tour’ (2019 a tawp) leh $Makataduai 776.4 lakluh chu a khum chiang.
Sheeran hian hun rei tak tour number one sum lalut hnem ber nihna lo chelh tawh U2 ‘The 360 Tour’ record a lo thaichhe tawh a, Elton-a’n a record siam mek chu a rawn thaichhe ve ta chiah a ni.
Elton-a tour hi Billboard-in tour sum lakluh chhinchhiah- $Maktaduai 800 chuang rawn lehpel hmasa ber a ni zui bawk.
The ‘Rocket Man’ singer hian North America, Europe leh Oceania te tuamin show 278 zet a nei a, tour tawp lamah phei chuan a huhang a na bawk a, show en turin mipui an tleh lut hum hum mai thin a ni.