Southampton chuan an club chanchin a player manto ber ni turin Pound maktaduai 22 in Rennes lehGhana winger Kamaldeen Sulemana chu an lalut.
Kum 20 hian kum li leh a chanve contract a ziak a, veilam a chhawr thin Sulemana hi mamawh dan a zirin ding lamah leh striker ang pawh a khel thei a ni.
Kum 2021 khan Danish club Nordsjaelland atangin Rennes hi a zawm a. Tun season-ah an tan vawi 20 inkhel tawhin goal khat a khung bakah midang khung tur vawi hnih a siamsak tawh.
An winger tlanchak hian Saints in kum 2019 a Liverpool atanga Danny Ings Pound maktaduai 20 a an lakluhna chu a khum a ni.
Ani bakah hian Belgian league a goal khung tam ber ni mek Genk kum 28 mi striker Paul Onuachu chu Saints hian kum 2026 thleng atan an lalut tel bawk.